రేపు ఉమ్మడి జిల్లాకు భారీ వర్షసూచన

మహబూబ్ నగర్ ఉమ్మడి జిల్లా వ్యాప్తంగా శనివారం భారీ వర్షం కురిసే అవకాశం ఉందని శుక్రవారం వాతావరణశాఖ ప్రకటించింది. నాగర్ కర్నూల్, జోగులాంబ గద్వాల, నారాయణపేట, వనపర్తి, మహబూబ్ నగర్ జిల్లాలలో 30 నుంచి 40 కిలోమీటర్ల వేగంతో ఈదురుగాలులతో పాటు భారీ వర్షం కురిసే అవకాశం ఉందని తెలిపింది. వాతావరణ శాఖ ఉమ్మడి జిల్లాకు ఎల్లో అలర్ట్ జారీ చేసింది. భారీ వర్షాలకు ప్రజలు అప్రమత్తంగా ఉండాలని సూచించింది