ఆయిల్‌పామ్, బిందుసేద్యం రాయితీలకు నిధులు మంజూరు

ఆయిల్‌పామ్‌ సాగు, బిందుసేద్యం, వెదురు సేద్యం పథకాల రాయితీలకు నిధులు మంజూరు చేస్తూ తెలంగాణ ప్రభుత్వం సోమవారం ఉత్తర్వులిచ్చింది. ఆయిల్‌పామ్‌ రైతులు, కంపెనీలకు 2024-25 సంవత్సరానికి మొదటి విడతగా రూ.176 కోట్లు, బిందు సేద్యం కింద రూ.51.66 కోట్లు, వెదురు పథకం కింద రూ.16.47 లక్షల మంజూరుకు అనుమతులిచ్చింది. మొత్తం 227.66 కోట్లు మంజూరు చేస్తూ సోమవారం వ్యవసాయ శాఖ కార్యదర్శి ఉత్తర్వులు జారీ చేశారు.