కుంకుమ పువ్వునకు భారీ డిమాండ్

దేశంలో కుంకుమ పువ్వునకు డిమాండ్ భారీగా పెరిగింది. సరఫరా తగ్గడంతో కిలో పువ్వు ఏకంగా రూ.5 లక్షలు పలుకుతోంది. వంటల నుంచి సౌందర్య సాధనాల వరకు పలు ఉత్పత్తుల్లో దీన్ని వినియోగిస్తుంటారు. ప్రపంచవ్యాప్తంగా కుంకుమ పువ్వు ఉత్పత్తిలో 90శాతం ఇరాన్ నుంచే వస్తుంది. గత కొంతకాలంగా పశ్చిమాసియాలో నెలకొన్న ఉద్రిక్తతల కారణంగా అక్కడి నుంచి సరఫరా బాగా తగ్గింది. ఈ నేపథ్యంలో డిమాండ్ పెరిగిందంటున్నారు పరిశీలకులు.