భద్రాచలం చెక్‌పోస్ట్‌ వద్ద భారీగా గంజాయి స్వాధీనం

భద్రాద్రి కొత్తగూడెం జిల్లా భద్రాచలం చెక్‌పోస్ట్‌ వద్ద రూ. 31 లక్షల విలువైన 118 కిలోల గంజాయిని ఎక్సైజ్‌ శాఖ అధికారులు స్వాధీనం చేసుకున్నారు. రెండు ఆటోల్లో గంజాయి తరలిస్తుండగా పట్టుకున్నారు. ఒడిశాలోని కలిమెళ నుంచి గంజాయి తరలిస్తుండగా అడ్డుకున్న అధికారులు.. గంజాయిని స్వాధీనం చేసుకున్నారు. ఇద్దరిని అరెస్టు చేయగా.. మరో నిందితుడు పరారీలో ఉన్నాడు.