ఉన్నత వ్యాపార విలువలతో కస్టమర్ల ఆదరణను చూరగొనడమే లక్ష్యంగా ముందుకు సాగే సంస్థనే ఉషోదయ సూపర్ మార్కెట్ అని వ్యవస్థాపకులు మేనేజింగ్ డైరెక్టర్ యుగంధర్ అన్నారు. నేడు ఒంగోలులో 31వ స్టోర్ ను ప్రారంభించారు. అనంతరం ఆయన మాట్లాడుతూ 2005వ సంవత్సరంలో హైదరాబాద్ లోని ఏఎస్ రావునగర్ లో తమ ఉషోదయ సూపర్ మార్కెట్ తొలి స్టోర్ ను ఏర్పాటు చేశామని, కొద్ది కాలంలోనే కస్టమర్ల విశ్వాసాన్ని చూరగొని, వారి ఆదరాభిమానాలే సోపానాలుగా అంచెలంచెలుగా అభివృద్ధి చెందామని, తమ నాణ్యత, నమ్మకం.. వాటితో లభించిన కస్టమర్ల ఆదరణతోనే ఈ అభివృద్ధి సాధ్యమైందని ఆయన వివరించారు. ప్రస్తుతం నూతనంగా ప్రారంభమైన ఈ స్టోర్ తమ సంస్థకు 31వ స్టోర్ అని, తెలంగాణలో 19 స్టోర్లు, ఆంధ్రప్రదేశ్ లో 12 స్టోర్లు ఉన్నాయని, అన్నీ విజయపథంలో పురోగమిస్తున్నాయని తెలిపారు. అలాగే గుడివాడలో కూడా త్వరలో తమ నూతన బ్రాంచ్ ను ప్రారంభించబోతున్నామ్మని తెలిపారు.