పిట్లం: పలు గ్రామాల్లో కమ్మేసిన పొగమంచు

పిట్లం మండల కేంద్రంతో పలు గ్రామాల్లో శనివారం ఉదయం పొగ మంచు కమ్మేసింది. భారీగా పొగ మంచు కమ్మేయడంతో ప్రజలు ఇబ్బందులు పడ్డారు. బాన్సువాడ పిట్లం రహదారిపై వెళ్లే ప్రయాణికులు పొగ మంచు వల్ల ఇబ్బందులకు గురయ్యారు. వాహనదారులు తమ వాహనాలకు లైట్లను వేసి జాగ్రత్తగా వాహనాలు నడపాలని అధికారులు సూచిస్తున్నారు. చిన్నారులు, వృద్ధులు పొగ మంచు వల్ల అప్రమత్తంగా ఉండాలని వైద్యులు సూచిస్తున్నారు.