జుక్కల్ - Jukkal

యజమానికి తెలియకుండా నకిలీ పత్రాలు సృష్టించి జిల్లా కేంద్రంలోని గాంధీనగర్ కాలనీలో ఉన్న 200 గజాల ఓపెన్ ప్లాట్ ను కాజేసేందుకు యత్నించిన మారం శ్రీనివాస్, అరేటి గంగాధర్ లను కామారెడ్డి పట్టణ పోలీసులు అరెస్టు చేసి శనివారం న్యాయస్థానం ముందు హాజరు పరిచినట్లు సిఐ చంద్రశేఖర్ రెడ్డి ఆదివారం తెలిపారు. రాజయ్య 2002లో ప్లాట్ ను కొనుగోలు చేశారు. కొన్నాళ్ల తర్వాత ఆయన మరణించారు. మారం శ్రీనివాస్ ఎలాగైనా ప్లాట్ ను సొంతం చేసుకోవాలని దొంగతనంగా రిజిస్ట్రేషన్ చేయించుకున్నాడు. అనంతరం ఆ ప్లాట్ ను వేరొకరికి అమ్మేశాడు. మహేందర్ ప్లాట్ వద్దకు వెళ్లి చూడగా వేరే వారు ఆధీనంలో ఉండడంతో అవాక్కయ్యారు. బాధితుడు వెంటనే పట్టణ పోలీస్ స్టేషన్లో ఫిర్యాదు చేశారు. పోలీసులు ఇద్దరు నిందితులను అరెస్టు చేశారు.