కన్నడనాట తెలుగు ‘ముద్ర’

ఆంధ్రప్రదేశ్, తెలంగాణ రాష్ట్రాలతో సరిహద్దులను పంచుకునే కర్ణాటకలో తెలుగు ప్రజల ఓట్లు గణనీయంగా ఉన్నాయి. లోక్‌సభ ఎన్నికల నేపథ్యంలో వారిని ప్రసన్నం చేసుకునేందుకు అభ్యర్థులు పోటీపడుతున్నారు. కొన్ని చోట్ల అభ్యర్థుల గెలుపోటములను తెలుగు ప్రజలు శాసించగలరు. ఈ ఓటర్లను ఆకట్టుకునేందుకు వివిధ పార్టీలు ఆంధ్ర, తెలంగాణల నుంచి తెలుగు ప్రముఖులను రప్పించి మరీ ప్రచారం చేయిస్తుంటారు. ఈ ఎన్నికల్లోనూ అదే కొనసాగుతోంది.