మెట్ పల్లి పట్టణంలో పట్టపగలే రెచ్చిపోయిన దొంగలు

జగిత్యాల జిల్లా మెట్‌పల్లి పట్టణంలో పట్టపగలే దొంగలు రెచ్చిపోయారు. తన కూతురికి అన్నం తినిపించే క్రమంలో మహిళపై దాడి చేసి పుస్తెలతాడు ఎత్తుకెళ్లారు. పట్టణంలోని 12వ వార్డులో వాణి అనే మహిళ ఆరుబయట తన కూతురికి అన్నం తినిపిస్తుంది. ఈ క్రమంలో ఇద్దరు దుండగులు బైక్‌పై వచ్చి మహిళపై దాడి చేసి పుస్తెలతాడు, అరతులం నల్లపూసల గొలుసు ఎత్తుకెళ్లారు. బుధవారం సమాచారం మేరకు పోలీసులు కేసు నమోదు దర్యాప్తు చేపట్టారు.