ఢిల్లీ హైకోర్టును ఆశ్రయించిన కేజ్రీవాల్

ఢిల్లీ మద్యం కుంభకోణం కేసుకు సంబంధించిన మనీలాండరింగ్ కేసులో ఢిల్లీ సీఎం అరవింద్ కేజ్రీవాల్ సోమవారం హైకోర్టును ఆశ్రయించారు. రౌస్ అవెన్యూ కోర్టు ఆయన్ను జులై 12 వరకు జ్యుడీషియల్ కస్టడీకి పంపిన విషయం తెలిసిందే. ఈ నేపథ్యంలో ఆయన దీనిని వ్యతిరేకిస్తూ, హైకోర్టులో పిటిషన్ వేశారు. కాగా, ఇటీవల కేజ్రీవాల్‌ను మూడు రోజుల కస్టడీకి పంపగా, అది ఈ శనివారంతో ముగిసింది. దీంతో రౌస్ అవెన్యూ కోర్టు ఆయన్ను తిరిగి జ్యుడీషియల్ కస్టడీకి పంపింది.