సత్తుపల్లి: ఎమ్మెల్యే పర్యటన రేపటి షెడ్యూల్ ఖరారు
సత్తుపల్లి నియోజకవర్గంలో సోమవారం ఎమ్మెల్యే మట్టా రాగమయి పర్యటించనున్నట్లు కాంగ్రెస్ పార్టీ నాయకులు ఓ ప్రకటనలో తెలిపారు. ముందుగా పెనుబల్లి మండలం లంకసాగర్ చెరువు, ఆ తర్వాత కల్లూరు పెద్దచెరువులో చేప పిల్లలను విడుదల చేస్తారని అన్నారు. అనంతరం పుల్లయ్య బంజారాలో ఐకెపి సెంటర్, అంగన్వాడి కేంద్రాన్ని ప్రారంభిస్తారని చెప్పారు. తదనంతరం తల్లాడలో సిసిఐ పత్తి కొనుగోలు కేంద్రాన్ని ప్రారంభిస్తారని పేర్కొన్నారు.
