కిరణ్ అబ్బవరంను ఇంటికి పిలిచి మరీ అభినందించిన మెగాస్టార్

‘క’ సినిమాతో సూపర్ హిట్ కొట్టిన టాలీవుడ్ యంగ్ హీరో కిరణ్ అబ్బవరంను మెగాస్టార్ చిరంజీవి ప్రత్యేకంగా అభినందించారు. తాజాగా మెగాస్టార్ చిరంజీవి ‘క’ సినిమాను వీక్షించారు. అనంతరం హీరో కిరణ్ అబ్బవరంను ఇంటికి పిలిపించారు. సుమారు గంటసేపు కిరణ్‌తో మాట్లాడిన చిరంజీవి టీమ్ సభ్యులందరినీ అభినందించారు. ఈ విషయాన్ని కిరణ్ అబ్బవరం సోషల్ మీడియా ద్వారా అందరితో పంచుకున్నాడు. అలాగే మెగాస్టార్‌తో కలిసి దిగిన ఫొటోలను షేర్ చేశాడు.