సంపూర్ణ మద్యపాన నిషేధం చేయాలంటూ సర్పంచ్ కి వినతి

భద్రాద్రి కొత్తగూడెం జిల్లా ఇల్లందు మండలం కొమరారం గ్రామపంచాయతీలో సంపూర్ణ మద్యపానం నిషేధం అమలు చేయాలని కోరుతూ శనివారం డి.వి.ఎన్ యూత్ సభ్యులు గ్రామ సర్పంచ్ నాలి కృష్ణవేణికి వినతిపత్రం అందజేశారు. ఈ సందర్భంగా గ్రామంలో ప్రజలు మద్యపానానికి బానిసలై అనారోగ్యాలు కొని తెచ్చుకుంటున్నారని వినతి పత్రంలో పేర్కొన్నారు. దీనికి గ్రామ సర్పంచ్ సానుకూలంగా స్పందించారు. గ్రామ సభను ఏర్పాటు చేసి మద్యపానం నిషేధం అమలు చేస్తామని హామీ ఇవ్వడం జరిగింది. ఈ కార్యక్రమంలో కంపాటి ప్రసాద్, గ్రామ యూత్ సభ్యులు వి మోతిలాల్, జి రాము, లక్ష్మణ్, నరేష్, కుమార్, ఎం నరేష్ తదితరులు పాల్గొన్నారు.