లాక్‌డౌన్ ఎఫెక్ట్.. చంద్రుని ఉపరితలంపై తగ్గిన ఉష్ణోగ్రత

కోవిడ్-19 మహమ్మారి సమయంలో ప్రపంచవ్యాప్తంగా లాక్‌డౌన్ అమలులో ఉన్నప్పుడు దాని ప్రభావం భూమి పైనే కాకుండా చంద్రునిపై కూడా పడిందని ఓ అధ్యయనం తెలిపింది. ఈ మేరకు ఏప్రిల్-మే 2020లో కఠినమైన లాక్‌డౌన్ సమయంలో కాలుష్యం భారీగా తగ్గిందని, దీంతో చంద్రుని ఉపరితల ఉష్ణోగ్రత 8 నుండి 10 కెల్విన్‌లకు పడిపోయిందని భారతీయ శాస్త్రవేత్తలు తెలిపారు. ఓ వార్తా కథనం ప్రకారం.. శాస్త్రవేత్తలు 2017 - 2023 వరకు చంద్రుని యొక్క వివిధ భాగాలపై ఉష్ణోగ్రతను అధ్యయనం చేశారు.