హన్వాడలో ఆకస్మికంగా పర్యటించిన జిల్లా కలెక్టర్

మహబూబ్ నగర్ జిల్లా కలెక్టర్ విజయేంద్ర బోయి శనివారం హన్వాడ మండలంలో ఆకస్మికంగా పర్యటించారు. ఈ సందర్భంగా మండల కేంద్రంలోని తహసీల్దార్ కార్యాలయంలో పలు రిజిస్టర్లను, రికార్డులను పరిశీలించారు. ధరణికి సంబంధించిన దరఖాస్తులు పెండింగ్ లో ఉంచకూడదని అన్నారు. అనంతరం ప్రాథమిక ఆరోగ్య కేంద్రాన్ని పరిశీలించారు. రోగులకు మెరుగైన వైద్య సేవలు అందించాలని వైద్య సిబ్బందికి కలెక్టర్ సూచించారు.