కుల, మత సామరస్యతకు నిదర్శనం

వనపర్తి జిల్లా చిన్నంబావి మండలం బెక్కెం గ్రామంలో ఫ్రెండ్స్ యూత్ ఆధ్వర్యంలో వినాయకుని ప్రతిష్ఠించి పూజలు, అభిషేకాలు నిర్వహిస్తున్నారు. ఈ సందర్భంగా గురువారం సాయంత్రం గణపతి మండపంలో నిర్వహించిన వేలంపాటలో లడ్డూను గ్రామ ముస్లిం సోదరులు తాజోద్దీన్, మహమ్మద్లు వేలం పాటలో పాల్గొని రూ. 15 వేలకు గణనాథుని లడ్డూను దక్కించుకున్నారు. కుల, మత సామరస్యతకు ప్రతీకగా, భగవంతుడు సర్వాంతర్యామి అని మరోసారి రుజువు చేశారు.