సులబ్ కార్మికులకు ఈఎస్ఐ, ఈపీఎఫ్, బోనస్ సౌకర్యం కల్పించాలి

నస్పూర్ పట్టణంలోని ఒక ఫంక్షన్ హాల్ లో మంగళవారం సింగరేణి సులబ్ వర్కర్స్ రాష్ట్ర సదస్సు జరిగింది. సింగరేణి కాలరీస్ కాంట్రాక్ట్ యూనియన్ రాష్ట్ర అధ్యక్షుడు డి. బ్రహ్మానందం అధ్యక్షతన జరిగిన ఈ సదస్సుకు ముఖ్య అతిథిగా యూనియన్ ప్రధాన కార్యదర్శి ఏ. వెంకన్న హాజరయ్యారు. ఈ సందర్భంగా వారు మాట్లాడుతూ పదేళ్లుగా పనిచేస్తున్న సులబ్ కాంప్లెక్స్ కార్మికులకు ఈఎస్ఐ, ఈపీఎఫ్, బోనస్ సౌకర్యం కల్పించాలని డిమాండ్ చేశారు.