మెదక్ జిల్లాలో ఘోర రోడ్డు ప్రమాదం.. ఒకరు మృతి

మెదక్ జిల్లా రామాయంపేట మండలం అక్కన్నపేట శివారులో ఆదివారం ఘోర రోడ్డు ప్రమాదం చోటు చేసుకుంది. రామాయంపేట నుంచి అక్కన్నపేట వైపు వెళ్తున్న ద్విచక్ర వాహనాన్ని గుర్తు తెలియని వాహనం ఢీ కొట్టడంతో ద్విచక్ర వాహనంపై ఉన్న వ్యక్తి అక్కడికక్కడే మృతి చెందారు. మృతుడు అక్కన్నపేట గ్రామానికి చెందిన ముత్యపు వెంకటిగా గుర్తించారు. ఘటనా స్థలానికి చేరుకున్న పోలీసులు విచారణ చేపట్టారు. మృతదేహాన్ని ఆస్పత్రికి తరలించారు.