తెలుగు రాష్ట్రాల్లో మొదలైన మాక్ పోలింగ్

ఏపీలో అసెంబ్లీ ఎన్నికలు, ఇరు తెలుగు రాష్ట్రాల్లో లోక్‌సభ ఎన్నికలు సంబంధించి మాక్ పోలింగ్ మొదలైంది. ఏజెంట్ల సమక్షంలో పోలింగ్‌ బూత్‌ల సిబ్బంది ఈవీఎంల పనితీరుని పరిశీలిస్తున్నారు. ఉదయం 6 గంటలకు మొదలైన ఈ ప్రక్రియ ముగిసిన అనంతరం ఓటింగ్ ప్రక్రియ షురూ కానుంది. ఉదయం 7 గంటల నుంచి సాయంత్రం 6 గంటల వరకూ ఏపీ, తెలంగాణలో పోలింగ్ కొనసాగనుంది. ఇక నక్సల్స్ ప్రభావిత నియోజకవర్గాల్లో సాయంత్రం 4 గంటలకే పోలింగ్ ప్రక్రియ ముగియనుంది.