నాగార్జున‌- మంత్రి వివాదం.. న‌వంబ‌ర్ 13కు వాయిదా

మంత్రి కొండా సురేఖ‌పై హీరో నాగార్జున పరువు న‌ష్టం దావా వేసిన విష‌యం తెలిసిందే. తాజాగా విచారించిన నాంప‌ల్లి స్పెష‌ల్ కోర్టు కేసును మ‌రోసారి వాయిదా వేసింది. మంత్రి కొండా సురేఖపై హీరో నాగార్జున వేసిన పరువు నష్టం దావా కేసు నవంబర్ 13కు వాయిదా వేస్తూ కోర్టు తీర్పునిచ్చింది. మెజిస్ట్రేట్ సెలవులో ఉండడంతో విచారణ న‌వంబ‌ర్‌ 13కు వాయిదా వేస్తూ ఇన్‌ఛార్జ్ న్యాయమూర్తి నిర్ణ‌యం తీసుకున్నారు. కొండా సురేఖ త‌ర‌పున న్యాయవాది గురుమిత్ సింగ్ కోర్టుకు హాజరయ్యారు.