మండల స్థాయి క్రికెట్ పోటీలో విజేతగా నిలిచిన రాంనగర్ జట్టు

కోమటిరెడ్డి ప్రతీక్ రెడ్డి ఫౌండేషన్ ఆధ్వర్యంలో తిప్పర్తి మండలం అనిశెట్టి దుప్పలపల్లిలో జరిగిన మండల స్థాయి క్రికెట్ పోటీలో రాంనగర్ జట్టు విజేతగా నిలిచింది. ద్వితీయ బహుమతి అనిశెట్టి దుప్పలపల్లి గెలుపొందింది. ఈ సందర్భంగా నిర్వాహకులు మాట్లాడుతూ కోమటిరెడ్డి ప్రతీక్ రెడ్డి ఫౌండేషన్ ఆధ్వర్యంలో జరిగిన క్రికెట్ పోటీలకు ప్రథమ, ద్వితీయ బహుమతుల గెలుపొందిన విజేతలకు భువనగిరి ఎంపీ కోమటిరెడ్డి వెంకటరెడ్డి ప్రైజ్ మనీ అందజేశారని తెలిపారు. ఈ కార్యక్రమంలో జూలూరి రమేష్, ఇబ్రాహీం అలీ, గంటేగంపు సైదులు, వనపర్తి అంజయ్య, వనపర్తి శ్రీరాములు తదితరులు పాల్గొన్నారు.