నస్రుల్లాబాద్: ఘనంగా పెద్దమ్మ తల్లి శోభయాత్ర

విగ్రహ ప్రతిష్టాపన ఉత్సవంలో భాగంగా మంగళవారం నస్రుల్లాబాద్ మండలం మైలారం గ్రామంలో పెద్దమ్మ త‌ల్లి విగ్రహానికి ఘనంగా శోభయాత్ర నిర్వహించారు. ఈ సందర్భంగా హనుమాన్ మందిరం నుండి ప్రారంభమైన శోభాయాత్ర గ్రామ వీధుల గుండా పెద్దమ్మ తల్లి ఆలయం వరకు ఆటపాటలతో కొనసాగింది. మహిళలు మంగళారతులతో వచ్చి పెద్దమ్మ తల్లి విగ్రహానికి పూజలు నిర్వహించి ఆశీర్వాదం పొందారు. దీంతో గ్రామంలో పండగ వాతావరణం నెలకొంది.