నల్లమలలో పెరిగిన పులుల సంఖ్య

నల్లమల అడవుల్లో పులుల సంఖ్య పెరుగుతోంది. గత రెండేళ్లలోనే ఇక్కడ 25 పులులు పెరిగినట్లు అటవీ శాఖ ప్రిన్సిపల్ చీఫ్ కన్జర్వేటర్ ఏకే నాయక్ తెలిపారు. 2022 అంచనా ప్రకారం నల్లమలలో 62 పెద్ద పులులు ఉండగా, ఆ సంఖ్య 87కు చేరినట్లు చెప్పారు. నాగార్జునసాగర్-శ్రీశైలం పెద్ద పులుల అభయారణ్యంలో గుండ్ల బ్రహ్మేశ్వరం, లంకమల, శ్రీవెంకటేశ్వర వన్యప్రాణి, శ్రీపెనుశిల నృసింహస్వామి ప్రాంతాల్లో వీటి ఆవాస విస్తరణ పెరుగుతోందన్నారు.