పాముకాటు పసరు మందులు, మంత్రాలతో విషం తగ్గుతుందని కొందరు వాదిస్తుంటారు. ఇది నిజం కాదు. విషపు పాము కరిచినా నూటికి 30 నుంచి 50 సార్లు అవి మనిషిలోకి విషాన్ని ఎక్కించవు. ఈ కాట్లను ‘డ్రై బైట్స్’ అంటారు. ఇలాంటివారికి నాటు వైద్యం చేసినా, మంత్రం వేసినా, ఏ తంత్రమో చేసినా బతికి బట్టకడతారు. నిజంగా విషసర్పం కరిచినప్పుడు, ఒంట్లో విషం ప్రవహిస్తున్నప్పుడు యాంటీ స్నేక్ వీనమ్ ఒక్కటే మందు. ఇది తప్ప మరేదీ విషాన్ని నిర్వీర్యం చేయలేదు.