మల్లె సాగులో మెళకువలు

మల్లె సాగులో మెళకువలు పాటిస్తే మంచి దిగుబడిని సాధించవచ్చు. ఒండ్రు మట్టి, పొడి ఇసుక నేలల్లో, నీటి సదుపాయం కింద మల్లె సాగు అనుకూలం. నేలను బాగా దున్ని 60 సెం.మీ. లోతు గుంతను తీసి, ఆ గుంతలో తీసిన పై మట్టికి 25-30 కిలోలు పశువుల ఎరువు కలిపి నింపాలి. వర్షాకాలం ప్రారంభంలో నాటుకోవాలి. కొమ్మ కత్తిరింపులుగాని, అంటు మొక్కలు తొక్కడం ద్వారా గానీ నాటుకోవాలి. నేల స్వభావాన్ని బట్టి 8-10 రోజులకొకసారి తడి ఇవ్వాలి. మొక్క ఎదగటానికి, పూలు పూయటానికి నేలలో తగినంత తేమ అవసరం.