విజయవాడలోని వరద బాధితులకు డ్రోన్ల సాయంతో ఆహారం అందిస్తున్న రాష్ట్ర ప్రభుత్వం

విజయవాడలోని వరద బాధితులకు డ్రోన్ల సాయంతో ఆహారం, తాగునీరు, మందులను రాష్ట్ర ప్రభుత్వం సరఫరా చేసింది. దీనికి సంబంధించిన వీడియో వైరల్ అవుతోంది. పడవలు, హెలికాప్టర్లు చేరుకోలేని ప్రాంతాల్లో ఈ డ్రోన్లను వినియోగించారు. మంగళవారం ఉదయం నుంచి మధ్యాహ్నానికే దాదాపు 20 డ్రోన్లతో 10 వేలకు పైగా ఆహార పొట్లాలు చేరవేశారు. వరద బాధితులకు సహాయ సామగ్రి, ఆహారం అందించడానికి డ్రోన్లను ఉపయోగించడం రాష్ట్రంలోనే ఇదే తొలిసారని మంత్రి నారా లోకేశ్ చెప్పారు.