కాంగ్రెస్‌లో చేరనున్న వినేశ్ ఫోగట్, బజరంగ్ పునియా

హర్యానా అసెంబ్లీ ఎన్నికల వేళ రాజకీయాల్లో కీలక పరిణామం చోటుచేసుకోనుంది. శుక్రవారం మధ్యాహ్నం 1.30 గంటలకు భారత స్టార్ రెజ్లర్లు వినేశ్ ఫోగట్, బజరంగ్ పునియా కాంగ్రెస్‌ పార్టీలో చేరనున్నారు. ఇటీవలే వీరిద్దరూ కాంగ్రెస్ అగ్రనేత రాహుల్ గాంధీతో భేటీ అయ్యారు. ఆ సమయంలోనే పార్టీలో చేరికపై ఊహాగానాలు వచ్చాయి. ఇక హర్యానా అసెంబ్లీ ఎన్నికల పోలింగ్ అక్టోబర్ 5న జరగనుంది. అక్టోబర్ 8న ఫలితాలు విడుదల కానున్నాయి.