మహిళల ఆసియా ఛాంపియన్స్ ట్రోఫీ.. సెమీఫైనల్లో భారత్

డిఫెండింగ్ ఛాంపియన్ భారత్ మహిళల ఆసియా ఛాంపియన్స్ ట్రోఫీ హాకీ సెమీఫైనల్ లోకి దూసుకెళ్లింది. ఒలింపిక్ రజత పతక విజేత చైనాపై 3-0తో విజయం సాధించింది. సంగీతకుమారి(32వ నిమిషంలో), కెప్టెన్ సలీమా టెటె(37వ) ద్వారా భారత్ రెండు ఫీల్డ్ గోల్స్ సాధించింది. దీపిక(60వ) ఆఖరి నిమిషంలో లభించిన పెనాల్టీ కార్నర్‌ను గోల్‌గా మలిచింది. టోర్నీలో వరుసగా నాలుగో విజయం సాధించిన భారత్ పాయింట్ల పట్టికలో అగ్రస్థానంలో ఉంది.