మత్స్యాద్రి వేములకొండ మండలంగా ప్రకటించాలని నిరసన

యాదాద్రి భువనగిరి జిల్లా వలిగొండ మండలాన్ని విభజించి మత్స్యాద్రి వేములకొండ గ్రామాన్ని మండలంగా ఏర్పాటు చేయాలని కోరుతూ 11వ రోజు వేములకొండ అంబేద్కర్ చౌరస్తాలో నిరసన కార్యక్రమం చేపట్టడం జరిగింది. ఈ సందర్భంగా నాయకులు మాట్లాడుతూ వేములకొండ మండలాన్ని ఏర్పాటు చేస్తే రవాణా పరంగా 18 కిలోమీటర్ల దూరం తప్పుతుందని, చుట్టుపక్కల గ్రామాలకు కేంద్రంగా ఉండి అన్ని రకాల సమస్యలకు పరిష్కారం దొరుకుతుంది అని అన్నారు. ఈ నిరసన కార్యక్రమంలో సామ రాంరెడ్డి, ఎలాగందుల అంజయ్య, బోడ బాలయ్య, జక్కల మత్స్యగిరి, ఎలాగందుల రవీందర్, మార్కండేయ, కడిగాళ్ల లింగయ్య, బరిశెట్టి పద్మయ్య, అకీలపక్షాల నాయకులు, యువకులు తదితరులు పాల్గొన్నారు.