స్నేహితుడితో పందెం.. కేసీ కాలువలో ఆర్మీ జవాన్ గల్లంతు

కర్నూలు జిల్లాలోని కేసీ కాలువలో ఆర్మీ జవాన్ ఆదివారం గల్లంతయ్యాడు. స్నేహితుడితో పందెం కాసి పవన్ (24) అనే ఆర్మీ జవాన్ కాలువలో ఈతకు దిగాడు. ఆ తర్వాత కాలువలో వరద ఉధృతికి కొట్టుకుపోయాడు. దాంతో స్నేహితులు పోలీసులకు సమాచారం అందించారు. అగ్నిమాపక సిబ్బంది, పోలీసులు ఘటనా స్థలానికి చేరుకుని గాలింపు చర్యలు చేపడుతున్నారు.