అరకు: వరి కుప్ప, ధాన్యం కుప్పలు దగ్ధం

అరకులోయ మండలం, సుంకరమెట్ట పంచాయతీ తోటవలసలో సోమవారం జరిగిన అగ్ని ప్రమాదంలో వరిగడ్డి కుప్పలు దగ్ధమయ్యాయి. వరి కుప్పలకు దగ్గరలో రైతులు పెట్టిన పొగ నుండి గాలికి నిప్పురవ్వలు చెలరేగడంతో బురిడి గురుమూర్తి తాలూక ఎకరా ధాన్యం కుప్ప, బురిడి ఆనందరావు, బురిడి దయాకర్ ల గడ్డి కుప్పలు కాలి బూడిదయ్యాయని స్ధానికులు తెలిపారు. నాలుగు నెలల కష్టం కాలి బూడిదయ్యిందని ప్రభుత్వం ఆదుకోవాలని గిరి రైతులు ఆవేదన వ్యక్తం చేసారు.