అనంతపురం జిల్లాకు వర్షసూచన

అనంతపురం జిల్లాకు రానున్న రెండు రోజుల్లో వర్ష సూచన ఉన్నట్లు గురువారం రేకులకుంట వ్యవసాయ పరిశోధనా స్థానం ప్రధాన శాస్త్రవేత్త డాక్టర్ విజయశంకరబాబు, సీనియర్ శాస్త్రవేత్త డాక్టర్ జి. నారాయణస్వామి తెలిపారు. ఉపరితల ఆవర్తనం ప్రభావంతో ఉరుములు, మెరుపులతో కూడిన మోస్తరు నుంచి తేలికపాటి వర్షాలు కొన్ని ప్రాంతాల్లో నమోదు కావచ్చని పేర్కొన్నారు.