బైక్ అదుపుతప్పి బోల్తా-ఇద్దరికి తీవ్ర గాయాలు

గుత్తి మండల పరిధిలోని ఎన్టీపీసీ సమీపంలో ఆదివారం రోడ్డు ప్రమాదం చోటుచేసుకుంది. ప్రమాదంలో ఇద్దరి తీవ్రంగా గాయపడ్డారు. గుత్తి పట్టణంలోని కమాటం వీధికి చెందిన నరసింహ, పరమేష్ అనే యువకులు బైక్ లో సుంకులమ్మ దేవాలయం వద్దకు వెళుతుండగా బైక్ అదుపు తప్పి బోల్తా పడి పరమేష్, నరసింహ తీవ్రంగా గాయపడ్డారు. గుత్తి ఆసుపత్రికి అనంతరం అనంతపురం రెఫర్ చేశారు. పోలీసులు దర్యాప్తు చేపట్టారు.