కళ్యాణదుర్గం: రోడ్ల నిర్మాణానికి నిధులు ఇవ్వండి: ఎమ్మెల్యే

కళ్యాణదుర్గం నియోజకవర్గంలోని మారుమూల గ్రామాల రోడ్ల అభివృద్ధికి నిధులు కేటాయించాలని ఎమ్మెల్యే అమిలినేని సురేంద్ర బాబు ప్రభుత్వాన్ని కోరారు. గురువారం అసెంబ్లీలో ఆయన మాట్లాడుతూ కళ్యాణదుర్గం అత్యంత వెనుకబడిన ప్రాంతమని అన్నారు. మండలాల్లోని మారుమూల గ్రామాల నుంచి పట్టణాలకు రావడానికి ప్రజలు ఇబ్బందులు పడుతున్నారని తెలిపారు. రోడ్ల నిర్మాణానికి నిధులు మంజూరు చేయాలని ఎమ్మెల్యే కోరారు.