విద్యార్థినులకు వ్యాసరచన పోటీలు

తాడిపత్రి పట్టణంలోని పుట్లూరు రోడ్డులో గల కేజీబీవీలో ఆదివారం ఉద్యోగ ఉపాధ్యాయ సామాజిక సేవా సంస్థ ఆధ్వర్యంలో 'నేడు మహిళలపై జరుగుతున్న అఘాయిత్యాలు నివారణ చర్యలు' అనే అంశంపై వ్యాసరచన పోటీలు జరిగాయి. ఈ పోటీల్లో పలువురు విద్యార్థినులు పాల్గొన్నారు. తర్వాత సంస్థ అధ్యక్షుడు గుర్రప్ప ప్రతిభ చూపిన విద్యార్థినులు బాలరంగేశ్వరి, అయిషా, రజిత, నందిని, పూజ, శ్రీలేఖలకు బహుమతులను అందించారు.