తెనాలిలో తాళం వేసిన ఇంట్లో చోరీ

తెనాలి బాలాజీరావుపేటలో నివాసిత కుటుంబం దసరా సెలవుల నేపథ్యంలో రామేశ్వరం వెళ్లారు. శనివారం రాత్రి ఇంటికి వచ్చి చూడగా తలుపులకు వేసిన తాళం పగులగొట్టి ఉంది. లోపల బీరువాలో ఉండాల్సిన సుమారు 6 సవర్ల బంగారు నగలు, కొంత నగదు చోరికి గురైనట్లు గుర్తించి బాధితులు 3టౌన్ పోలీసులకు ఆదివారం ఫిర్యాదు చేశారు. క్లూస్ బృందం వచ్చి ఆధారాలు సేకరించింది. అనంతరం ఘటనపై పోలీసులు కేసు నమోదు చేసి దర్యాప్తు చేపట్టారు.