పొత్తులపై చంద్రబాబు కీలక వ్యాఖ్యలు

రాష్ట్ర వ్యాప్తంగా టీడీపీ నేతలు, కార్యకర్తలతో టీడీపీ అధినేత చంద్రబాబు టెలీకాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ రాష్ట్ర పునర్నిర్మాణం కోసమే మూడు పార్టీలు పొత్తు పెట్టుకున్నామని తెలిపారు. జగన్ ఓటమికే కాదు.. రాష్ట్రాన్ని గెలిపించడం కోసం పొత్తుకు వెళ్లినట్లు వెల్లడించారు. రాష్ట్ర ప్రయోజనాల కోసం మూడు పార్టీలు చేతులు కలిపాయని చంద్రబాబు స్పష్టం చేశారు.