చిత్తూరు: ద్విచక్ర వాహనాల దొంగ అరెస్ట్

చిత్తూరు నగరంలోని కాణిపాకం జంక్షన్ వద్ద మంగసముద్రానికి చెందిన వినోద్ కుమార్ ను అరెస్టు చేసి, అతను దొంగలించిన 3 బైకులను స్వాధీనం చేసుకున్నట్లు టూ టౌన్ సీఐ నెట్టికంటయ్య మంగళవారం రాత్రి తెలిపారు. వాహనాల తనిఖీల్లో భాగంగా అతడిని విచారించగా దొంగతనం బయటపడినట్లు తెలిపారు. నిందితుడిని రిమాండ్ కు తరలించినట్లు వెల్లడించారు. ఈ కేసులో ప్రతిభ కనబరిచిన ఎస్ఐ ప్రసాద్, పోలీసు బృందాన్ని సీఐ అభినందించారు.