మదనపల్లి: బొలెరో వాహనం ఢీకొని వ్యక్తికి తీవ్ర గాయాలు

బొలెరో వాహనం ఢీకొని వ్యక్తి తీవ్రంగా గాయపడినట్లు సోమవారం ఎస్సై వెంకటసుబ్బయ్య తెలిపారు. రామసముద్రం మండలం నారేవారిపల్లెకు చెందిన రామచంద్ర (40) గ్రామం సమీపంలోని వ్యవసాయ బోరు వద్దకు మోటార్ బైక్ పై వెళ్తుండగా కాపుపల్లి వద్ద బొలెరో వాహనం ఢీకొనింది. ప్రమాదంలో తీవ్రంగా గాయపడిన బాధితుడిని మదనపల్లి జిల్లా ఆసుపత్రికి తరలించారు. మెరుగైన వైద్యం కోసం తిరుపతి రుయా ఆసుపత్రికి తరలించారు.