శ్రీ ప్రసన్న వేంకటేశ్వర స్వామికి ప్రత్యేక పూజలు

కలికిరి మండలం చక్కెర వాండ్లపల్లిలో కొలువైన శ్రీ ప్రసన్న వేంకటేశ్వర స్వామి ఆలయంలో దసరా శరన్నవరాత్రులను పురస్కరించుకుని శుక్రవారం స్వామివారికి అంగరంగ వైభవంగా ప్రత్యేక పూజలు నిర్వహించనున్నట్లు కార్యనిర్వాహకులు తెలిపారు. శనివారం ఉదయం స్వామివారికి అభిషేకం, కళ్యాణోత్సవం, రాత్రి ప్రత్యేక రధంపై ఊరేగింపు నిర్వహించనున్నట్లు తెలిపారు. ప్రజలు స్వామి వారి భక్తులు పెద్ద ఎత్తున పాల్గొని జయప్రదం చేయాలన్నారు.