నాయుడుపేటలో మెగా రక్తదాన శిబిరం

పోలీసుల అమరవీరుల దినోత్సవాల్లో భాగంగా నాయుడుపేట పట్టణంలోని ప్రభుత్వ హాస్పిటల్లో గురువారం మెగా రక్తదాన శిబిరాన్ని ఏర్పాటు చేశారు. ఈ కార్యక్రమానికి ముఖ్య అతిథిగా డీఎస్పీ చెంచు బాబు పాల్గొని మెగా రక్తదాన శిబిరాన్ని ప్రారంభించారు. అనంతరం రక్తదానం చేసిన పలువురు యువకులను అభినందించి ప్రశంస పత్రాన్ని అందజేశారు. ఈ కార్యక్రమంలో అర్బన్ సీఐ బాబి, రూరల్ సీఐ సంగమేశ్వరరావు పాల్గొన్నారు.