తిరుమలకు చేరుకున్న టీటీడీ నూతన ఛైర్మన్ బీఆర్ నాయుడు

టీటీడీ నూతన ఛైర్మన్ బీఆర్ నాయుడు కుటుంబ సభ్యులతో కలిసి మంగళవారం సాయంత్రం శ్రీ పద్మావతి అతిథి భవనం సమీపంలో ఉన్న గాయత్రీ నిలయం వద్దకు చేరుకున్నారు. ముందుగా బీఆర్ నాయుడుకు టీటీడీ అదనపు ఈవో వెంకయ్య చౌదరి, రిసెప్షన్ అధికారి భాస్కర్, వీజీఓ సురేంద్ర స్వాగతం పలికి బస ఏర్పాట్లు చేశారు. అనంతరం ఆయన రాత్రి తిరుమలలో బస చేసి బుధవారం ఉదయం శ్రీవారి ఆలయంలో ఛైర్మన్ బాధ్యతలు స్వీకరించనున్నారు.