అల్లవరం: సిద్ధి వినాయకునికి ఘనంగా లక్ష గరిక పూజ

అల్లవరం మండలం మొగళ్లమూరు గ్రామంలో శ్రీవరసిద్ధి వినాయక స్వామి ఆలయం వద్ద పవిత్ర కార్తీక శుద్ధ ద్వాదశి సందర్భంగా బుధవారం స్వామివారికి అభిషేకం, లక్షపత్రి, లక్ష గరిక పూజ, గణపతి హోమం ఘనంగా నిర్వహించారు. స్వామి వారికి పంచామృతాలతో అభిషేకం చేశారు. అధిక సంఖ్యలో భక్త దంపతులు ఈ పూజా కార్యక్రమాల్లో పాల్గొన్నారు. పూజల అనంతరం దీపోత్సవం కన్నుల పండుగలా జరిపించారు. పలువురు భక్తులు కార్తీక దీపాలు వెలిగించారు.