కాట్రేనికోన: చిత్రకారుడు అంజికి చిత్ర కళాపాణి అవార్డు

కాట్రేనికోనకు చెందిన ప్రముఖ చిత్రకారుడు ఆకొండి అంజి చిత్రకళాపాణి అవార్డు అందుకున్నారు. ఒంగోలులో సృష్టి ఆర్ట్ అకాడమీ, కళాయజ్ఞ సంస్థలు నిర్వహించిన జాతీయ చిత్రకళ పోటీల్లో ఈ అవార్డు అందించారని అంజి సోమవారం తెలిపారు. ప్రాచీన భారతం పేరుతో చిత్రకళా ప్రదర్శన, పోటీలు ఏర్పాటు చేశారన్నారు. మన దేశపు ప్రాచీన వైద్య విధానం ప్రాముఖ్యతను, గొప్పతనాన్ని తెలియజేస్తూ తాను గీసిన చిత్రానికి అవార్డు లభించిందన్నారు.