మెరిట్ మార్కులు సాధించిన విద్యార్థులను సత్కరించిన ఎమ్మెల్యే

కోరుకొండ మండలంలో ఇటీవల జరిగిన ఎంసెట్, ఇంటర్ మొదటి, రెండవ సంవత్సర పరీక్ష ఫలితాల్లో అత్యుత్తమ మార్కులు సాధించిన విద్యార్థులను గురువారం రాజానగరం ఎమ్మెల్యే బత్తుల బలరామకృష్ణ ప్రశంసించి సత్కరించారు. ఈ సందర్భంగా ఎమ్మెల్యే మాట్లాడుతూ విద్యార్థులు పరీక్షలలో అత్యుత్తమ ఫలితాలు సాధించడంలో ఉపాధ్యాయులు, తల్లిదండ్రుల పాత్ర ఎంతో ఉందని కొనియాడారు. ఇదే విధంగా భవిష్యత్తులో మరింత ఎత్తుకు ఎదగాలని ఆకాంక్షించారు.