సఖినేటిపల్లి: ఎమ్మెల్యే ఆదేశాలతో బస్సు ఏర్పాటు

రాజోలు ఎమ్మెల్యే దేవ వరప్రసాద్ ఆదేశాలతో సఖినేటిపల్లి మండలం పల్లిపాలెం నుంచి బుధవారం ఆర్టీసీ బస్సుల రాకపోకలు ప్రారంభమయ్యాయి. ఇటీవల రాకపోకలను నిలిపివేయడంతో విద్యార్థులు ఇబ్బందులు పడుతున్నారంటూ స్థానికులు ఎమ్మెల్యే దృష్టికి తీసుకువచ్చారు. దీనిపై స్పందించిన ఎమ్మెల్యే రాజోలు ఆర్టీసీ డిపో మేనేజర్ తో మాట్లాడి బస్సు ఏర్పాటు చేయాలని ఆదేశించారు. స్పందించిన అధికారులు బస్సు రాకపోకలను పునరుద్ధరించారు.