వచ్చే ఏడాది నుంచి ఐదు రకాల పాఠశాలలు

ఏపీలో అంగన్‌వాడీలతో కలిపి ఐదు రకాల పాఠశాలలను వచ్చే విద్యా సంవత్సరం నుంచి ప్రభుత్వం తీసుకురాబోతోంది. గత ప్రభుత్వంలోని ఆరురకాల బడులస్థానంలో ఐదింటిని తీసుకువస్తోంది. గత హయాంలో పాఠశాల విద్యలో విధ్వంసం సృష్టించిన జీఓ-117ను రద్దుచేసి, ప్రత్యామ్నాయంగా తీసుకురానున్న విధానంపై విద్యాశాఖ మెమో జారీ చేసింది. దీనిపై ఉపాధ్యాయులు, విద్యార్థులు, తల్లిదండ్రుల నుంచి సలహాలు తీసుకున్న అనంతరం జీఓ ఇవ్వాలని నిర్ణయించింది.