పంగులూరు: జాతీయ రహదారిపై కారు దగ్ధం

పంగులూరు మండలం నార్నేవారిపాలెం జాతీయ రహదారి వద్ద శుక్రవారం అగ్ని ప్రమాదం చోటుచేసుకుంది. ఒంగోలు నుంచి గుంటూరు వెళుతున్న కారు నార్నే వారి పాలెం జాతీయ రహదారి వద్దకు వచ్చేసరికి కారులో నుంచి పొగలు రావటంతో గమనించిన డ్రైవర్ కారును రోడ్డుపై ఆపి కిందకు దిగాడు. ఈ క్రమంలో కారులో మంటలు వ్యాపించాయి. అగ్నిమాపక సిబ్బంది సంఘటనా స్థలానికి చేరుకొని మంటలను అదుపులోకి తీసుకువచ్చారు. కారు పూర్తిగా కాలిపోయింది.