పల్నాడు జిల్లాలో రోడ్లపైకి వస్తున్న మొసళ్లు

పల్నాడు జిల్లాలో వరుసగా మొసళ్లు రోడ్లపైకి వస్తున్నాయి. తాజాగా ఆదివారం రాత్రి మాచవరం మండలం వేమవరం శివారులో మొసలి కలకలం రేపింది. పొలాల్లో నుంచి మొసలి ఒక్కసారిగా రోడ్డుపైకి వచ్చింది. మొసలిని చూసి స్థానిక ప్రజలు భయాందోళనకు గురయ్యారు. అటవీ శాఖ అధికారులకు సమాచారం ఇవ్వడంతో మొసలిని పట్టుకునేందుకు అటవీ శాఖ అధికారులు ప్రయత్నాలు ప్రారంభించారు. ఇప్పటికే పల్నాడు జిల్లాలో పలుచోట్ల మొసళ్లు రోడ్లపైకి వస్తున్నాయి.