లంకెవాని దిబ్బలో మద్యం అమ్ముతున్న వ్యక్తి అరెస్టు

అక్రమంగా మద్యం విక్రయిస్తున్న వ్యక్తిని రేపల్లె ఎక్సైజ్ పోలీసులు అరెస్టు చేశారు. రేపల్లె రూరల్ మండలం లంకవానిదిబ్బ గ్రామంలోని తుఫాన్ షెల్టర్ సమీపంలో అక్రమంగా మద్యం విక్రయిస్తున్నారన్న సమాచారంతో సిఐ ఆర్. దివాకర్ ఆధ్వర్యంలో ఎక్సైజ్ పోలీసులు దాడులు నిర్వహించారు. ఈ దాడుల్లో మద్యం అమ్ముతున్న విశ్వనాథపల్లి రాముడును అదుపులోకి తీసుకున్నారు. అతని వద్దనుండి 16 క్వార్టర్ బాటిళ్ల మద్యాన్ని స్వాధీనం చేసుకున్నారు.